ಮಹಾಭಾರತ ತಾತ್ಪರ್ಯನಿರ್ಣಯ, ಕನ್ನಡದಲ್ಲಿ 9: 40 - 43

ಪ್ರವಿಶ್ಯ ಭೂಮೌ ಸಾ ದೇವೀ ಲೋಕದೃಷ್ಟ್ಯನುಸಾರತಃ ।

ರೇಮೇ ರಾಮೇಣಾವಿಯುಕ್ತಾ ಭಾಸ್ಕರೇಣ ಪ್ರಭಾ ಯಥಾ  ॥೯.೪೦॥

ಸೀತಾದೇವಿ ಲೋಕದ ಕಣ್ಣಿಗೆ ಮಾಡಿದಳು ಭೂಮಿಯ ಪ್ರವೇಶ,

ಸೂರ್ಯನೊಳಗಿನ ಪ್ರಭೆಯಂತೆ ರಾಮನೊಡನೆ ಇದ್ದಳೆಂಬುದು ವಿಶೇಷ.

ಏವಂ ರಮಲಾಳಿತಪಾದಪಲ್ಲವಃ ಪುನಃ ಸ ಯಜ್ಞೈಶ್ಚ ಯಜನ್ ಸ್ವಮೇವ ।

ವರಾಶ್ವಮೇಧಾದಿಭಿರಾಪ್ತಕಾಮೋ ರೇಮೇsಭಿರಾಮೋ ನೃಪತೀನ್ 

ವಿಶಿಕ್ಷಯನ್  ॥೯.೪೧॥

ಹೀಗೆ ಆಪ್ತಕಾಮನಾದ ಪ್ರಭು ಶ್ರೀರಾಮಚಂದ್ರ,

ರಮಾವಂದಿತ ಪಾದಕಮಲಗಳ  ಗುಣಸಾಂದ್ರ.

ಮಾಡುತ್ತಿದ್ದ ರಾಜರ ಶಿಕ್ಷಣಾರ್ಥವಾಗಿ ಅಶ್ವಮೇಧಾದಿ ಯಜ್ಞ,

ತನ್ನನ್ನೇ ತಾ ಆರಾಧಿಸಿಕೊಂಡು ಶಿಕ್ಷಣವೀಯುತ್ತಿದ್ದ ಸರ್ವಜ್ಞ.

ರಾಮಸ್ಯ ದೃಶ್ಯಾ ತ್ವನ್ಯೇಷಾಮದೃಶ್ಯಾ ಜನಕಾತ್ಮಜಾ ।

ಭೂಮಿಪ್ರವೇಶಾದೂರ್ಧ್ವಂ ಸಾ ರೇಮೇ ಸಪ್ತಶತಂ ಸಮಾಃ ॥೯.೪೨॥

ಸೀತೆ ರಾಮಗಾಗಿದ್ದಳು ದೃಶ್ಯ -ಇತರರಿಗೆ ಅದೃಶ್ಯ,

ಆಡಿದಳು ಸೀತಾ ರಾಮನೊಡನೆ ಏಳುನೂರು ವರ್ಷ.

ಏವಂವಿಧಾನ್ಯಗಣಿತಾನಿ ಜನಾರ್ದ್ದನಸ್ಯ ರಾಮಾವತಾರಚರಿತಾನಿ 

ತದನ್ಯಪುಮ್ಭಿಃ ।

ಶಕ್ಯಾನಿ ನೈವ ಮನಸಾsಪಿ ಹಿ ತಾನಿ ಕರ್ತ್ತುಂ ಬ್ರಹ್ಮೇಶಶೇಷಪುರುಹೂತಮುಖೈಃ 

ಸುರೈಶ್ಚ  ॥೯.೪೩

ಇಂಥಾ ಶ್ರಿಹರಿಯ ರಾಮಾವತಾರದ ಚರಿತ್ರೆಗಳು ಅಗಣಿತ,

ಬ್ರಹ್ಮ ರುದ್ರ ಶೇಷ ಇಂದ್ರಾದಿ ದೇವತೆಗಳಿಗೂ ಆಗದು ಮನೋಗತ.

ಇದನ್ನೆಲ್ಲಾ ಮಾಡುವವ ನಾರಾಯಣ,

ಬೇರಾರಿಗೂ ಸಾಧ್ಯವೇ ಆಗದ ಕಾರಣ.
[Contributed by Shri Govind Magal]