Bhava Guccha 16

ಭಾವ ಗುಚ್ಛ by “ತ್ರಿವೇಣಿ ತನಯ”  

ಸ್ವಗತ

ಇತ್ತಿಲ್ಲ ಈ ಜನ್ಮಕೆ ಸಂಸ್ಕೃತ ಭಾಷೆ,

ಕುಂದಿಲ್ಲ ಸಜ್ಜನರಿಂದ ಜ್ಞಾನ ಹೀರುವ ತೃಷೆ,

ಅರಿತವರು ಹೇಳುವರು ಭಾಷೆ ಮುಖ್ಯವಲ್ಲ,

ಬೇಕೆ ಭಾಷೆ ನಾಲಿಗೆಗೆ ಸವಿಯಲು ಬೆಲ್ಲ,

ಬೇಡುವೆನಾತನ ತಪ್ಪಿಸದಿರು ಸಜ್ಜನರ ಸಂಗ,

ಆ ಮೂಲಕ ತೊಳೆಯುತಲಿರು ಎನ್ನಂತರಂಗ.

ಮುಖವಾಡದ ಆಟ

ಒಳಗೊಂದು ಹೊರಗೊಂದು ಯಾತರದೀ ಬದುಕು,

ಯಾರ ಮೆಚ್ಚಿಸಲೀ ಆಟ ಸಾಕಪ್ಪಾ ಸಾಕು,

ಯಾರಿದ್ದರೇನಂತೆ ಬದುಕೊಂದು ನಾಟಕ,

ಬಿಡುಗಡೆಯಿಲ್ಲ ಒಳ-ಹೊರಗು ಒಂದಾಗದನಕ.

ನೋಟಿನ -note

ಲೋಕದೊಳಗೆಲ್ಲಾ ನೋಟಿನದೇ ಆಟ,

ಸಾಕು ಭ್ರಮೆಯ ಧಾವಂತದಾ ಓಟ,

ಸ್ಮಶಾಣಗಳಲ್ಲಿಲ್ಲ ನೋಟಿಡುವ. ತಿಜೋರಿ,

ಒಪ್ಪರಾ ಯಮಭಟರು ನೋಟು ಹಂಚುವ ಪರಿ.

ಆತ್ಮಾವಲೋಕನ

ಮನಶುದ್ಧವಾಗದ ಸ್ನಾನವದ್ಯಾಕೆ,

ಚಿತ್ತ ನಿಲ್ಲದ ಪೂಜೆಯದ್ಯಾಕೆ,

ಎತ್ತರಕ್ಕೇರದ ಉಪವಾಸವ್ಯಾಕೆ,

ಪ್ರಸಾದವಲ್ಲದ ತುತ್ತು ಅದ್ಯಾಕೆ,           

ಸತ್ಕಾರ್ಯಕ್ಕಿಲ್ಲದ ವಿತ್ತವದ್ಯಾಕೆ ,

ಹೊತ್ಹೊತ್ತಿಗೆ ಹರಿಯೆನದ ಮರ್ತ್ಯ ಜನ್ಮವದ್ಯಾಕೆ.

ಭಾಷೆಯ ಸೋಲು

ಭಾವನೆಗಳ ಪದಗಳಲಿ ಹಿಡಿದಿಡುವುದು ಬಲು ಕಷ್ಟ,

ಸುಲಭವಲ್ಲ ಪ್ರಯಾಸಕರ ಸಾಹಸವಿದು ಅತಿಕ್ಲಿಷ್ಟ,

ನೀನೊಂದು ಭಾವದಿಂದ ಜೋಡಿಸುವೆ ಪದಗಳ ಸರ,

ಅರ್ಥೈಸುವುದು ಓದುವವನ ಮನಕನುಸಾರ.

(Contributed by Shri Govind Magal)