Bhava Guccha 25

ಭಾವ ಗುಚ್ಛ  by “ತ್ರಿವೇಣಿ ತನಯ“

ಸ್ವಭಾವ -ಪ್ರಭಾವ

ಏನು ವಿಚಿತ್ರವೀ "ಸ್ವಭಾವ" "ಪ್ರಭಾವ"ಗಳ ಆಟ,

ಯಾವಾಗಲೂ "ಪ್ರಭಾವ"ಗಳದ್ದೇ ಮೇಲಾಟ,

ಒಮ್ಮೆ "ಪ್ರಭಾವ"ಮೀರಿ "ಸ್ವಭಾವ"ಗೆದ್ದಿತೋ ಜೀವ ಮುಕ್ತ,

"ಪ್ರಭಾವ"ವ ಸರಿಸಿ "ಸ್ವಭಾವ"ಪ್ರಕಟಿಸುವುದದು ಹರಿಚಿತ್ತ.

ಪ್ರಹ್ಲಾದ

ಬರೀ ಪುರಾಣದಲ್ಲಿಲ್ಲ ಹಿರಣ್ಯಕಶಿಪು-ಪ್ರಹ್ಲಾದ,

ಸಾತ್ವಿಕರೆಲ್ಲರ ಗುಣವದು ಪ್ರಕೃಷ್ಟ ಆಹ್ಲಾದ,

ಜೀವನ ಕಾಮನೆಗಳೇ ಹಿರಣ್ಯಕಶಿಪುವಿನ ಅವತಾರ,

ನರಸಿಂಹನಾದರೋ ಬಿಂಬಾವತಾರ,

ಒಳ ಹೊರಗೂ ಅವನದೇ ವ್ಯಾಪಾರ,

"ಪ್ರಹ್ಲಾದ" ಪ್ರಬಲನಾದಾಗ ಮಾತ್ರವೇ ನರಸಿಂಹಾವತಾರ.

ಮಥಿಸಿ ಏಳು -ಮೇಲೆ ಏಳು

ಏಳು ದಿನದ ಕತೆಯ ಕೇಳಿಸಿ,

ಏಳು ಸಮುದ್ರ ಮಥನ ಮಾಡಿಸಿ,

ಏಳ್ಹತ್ತರಾಕೆಯಿಂದ ಉಡುಗೆಗಳ ಕಳಚಿ,

ಹದಿನೆಂಟರ ನಂಟು ಕೊಡೋ ಅಗಲದಾ ನೆಂಟ.

ತ್ರಾಣ -ನಾರಾಯಣ

ಸಕಲ ಬ್ರಹ್ಮಾಂಡದೊಡೆಯ ನೀ ನಾರಾಯಣ,

ನಿನ್ನ ಪ್ರೀತಿಯ ಕೂಸು ಮುಖ್ಯಪ್ರಾಣ,

ಕೂಸಿದ್ದರೇ ಪ್ರಾಣ-ಕೂಸಿದ್ದರೇ ತ್ರಾಣ,

ಕೂಸು ಕೊಟ್ಟರೆ ಸುಜ್ಞಾನ ಕಳಚೀತು ಭವದಾವರಣ.

ಅಹಂ -ಖಾರ

ನಾನು ನನ್ನದೆಂಬ ಅಹಂಕಾರಕ್ಕೆ ಮಿತಿ ಉಂಟೆ?

"ಅಹಂ" ಬಿಡದಿರೆ ಸಂಸಾರ ನಿತ್ಯ ಕಗ್ಗಂಟೆ,

ಕಣ್ಮುಚ್ಚಿ ನೋಡಿದರೆ ಏನಿಲ್ಲ ಸಾರ,

ತೀರಿಸಲೇಬೇಕಲ್ಲ ಪ್ರಾರಬ್ಧ ಅಪಾರ.

(Contributed by Shri Govind Magal)